القصيدة عن لسان السيدة ليلى بنت امرئ القيس الثقفيه مخاطبة ابنها علي الاكبر بن الحسين عليه السلام وهي من – منهوك البسيط – المتكون من جزئين " مستفعلن فاعلن " واحيانا يدخل القطع – وهو اسقاط ساكن الوتد المجموع وتسكين ما قبله – على الجزء الثاني نته " فاعلن " فتصبح " فاعل " بتسكين اللام واحيانا يدخل ما يشبه العصب – وهو تسكين الرابع المتحرك – على " فاعُلن " فتصبح " فاعلن " وهي ما يعادل " فعلان " ويسمى وزنها لدى شعراء العامه المقطوع – وهو من الاوزان الغنائية الابتكار .

"29- المقطوع "

علي علي يا علي

يبني وأمل دنيتي     وانته اكفلت طلعتي

بيدك گدت ناگتي    من بارحت منزلي

***

انته الذخر للشدد   يوليدي وانته العمد

گلبي عليك اعتمد     يالعدلت محملي

****

جينه وگطعنه الفله    من يثرب لكربله

باوصافك الكامله     هضك الگلب ينجلي

***

يالتشبه المصطفه   بالمنطق وبالوفه

بسمك أظل هاتفه   وصوتي إلك يعتلي

****

لمن رحت للحرب   وياك اخذت الگلب

فگدك يالاكبر صعب    ودموعي دم اتهلي

****

ليك اشبحت بالنظر    وادعيت رب البشر

إحفظ علي امن الخطر   وامن الحرب رده لي

****

نجاك باري السمه    من غمرة الملحمه

جيت وشكيت الضمه   ونار العطش تصطلي

***

واردود يبني رحت    واعله الترب من طحت

بسمك يالاكبر صحت   فگدك فجع كل هلي

***

بالحومه جسمك وگع    وشفت الوريد انگطع

صوتي عليك ارتفع    ترضه ابغرب انولي

***

يوليدي ما تم صبر   عگبك رحت لليسر

ما يسوه بعد العمر    لمن يغيب الولي

****

" لندن – 1997"