|
قصيدة استنهاض للامام المهدي الحجة بن الحسن عليه السلام وهي من " بحر الرجز" المتكون من ثلاث تفعيلات " مستفعلن مستفعلن مستفعلن " ويسمى وزنها لدى شعراء العامه " الجابري " وهو من الاوزان المتأخرة الانتشار والمنبرية الابتكار .
" 27- الجابري "
يبن الغصون اليانعه ابدوحه مضر محد حلم حلمك ولا صابر صبر **** يا سورة العصر وتبارك والضحه كل النواظر يمك اضحت شابحه يمته صفيحك للمنايه اتصافحه يا من ثگل همك يفت صم الصخر **** ويامن خيالك ما برح عن ناظري يمته الفرج جاوبني يبن العسكري موعد ظهورك ينبجح بي خاطري ومن عيني يحصد مشتل الهم والسهر **** يبن الحسن عشنه ابتهاويل وضنك واصبحنه من دون الامم تحت الدرك من نوجه نخلص نوگع ابحلگ الشرك واليخلص امن الشرك بهمومه عثر ***** كل نايره التصعد نصير احنه الحطب ويصبح ضوانه للخصم والنه اللهب ما عدنه غير الغيبه والغش والشغب او لا تجربه اتمض بينه واتفيد العمر *** اصبحنه بسمار ابعرش كل طاغيه وموضع تهاون للنفوس الباغيه صرنه جسر تحت الجيوش الغازيه والغازي فوگ ارگابنه اجتاز وعبر **** من كل كتر حاطتنه امواج الفتن وتتواتر اعلينه ربيبات الوهن نجينه من هول الدهر يبن الحسن ما غيرك الينقذنه من هول الدهر ***** جور الوگت يالمهدي بالامه فتك وانته رعاك الباري نرجه طلعتك شنهو السبب طالت علينه غيبتك يا ساعه يا يةم البشاره يا شهر **** ما من نجم يحمل تباشير السعد اولا مشرقه اتطوح دياجير النكد دهمتنه من كل جانب اغيوم الشدد واتصب علينه امصايب ابدال المطر ***** ومن تعصف اعلينه الدواهي النازله نتصبر ونذكر فوادح كربله يوم الهوت بالطف بني عمر العله مهوه الورگ من يهوه من عود الشجر **** ابحد المراهف أسرتك صارت خذم واتخضبت بدماهم اوجوه ولمم لاظل خدر يالمهدب لا ظلت خيم وجمر المضارب ويه الخدور استعر **** وانته الذخيره التاخذ ابثار السلف يالما ترك ما جد مثل شخصك خلف كل مخفي لعيونك يغايبنه انكشف يالتدري ما حل وجره وصار وسدر **** خاتم إمامه وحجة الله الدامغه يا من سميرك أسمرك يوم الوغه چفك لون يهوه يعانگ بيرغه عالشاطي تلگه بيرغك يم الگمر ***
" لندن – 1990"
|
