|
نبذه من مصائب الاسر التي احاطت ببنات الرسول صلى الله عليه وآله بعد مقتل اهل بيتها عليهم السلام في واقعة كربلاء ، نشير اليها في هذه القصيدة التي هي من وزن " الگصيد " وهو من الاوزان القديمة يرجع قدمه الى نهايه العقد الثامن من القرن الثامن عشر للميلاد ، ويتكون من ثلاثة اجزاء " فاعلاتن فعولن فعولن " ويعد من اشجى الاوزان المنبرية الابتكار .
" 26- الگصيد "
عفنه بالطف اهلنه ومشينه واللي يحدي الشمر بالظعينه *** عفنه بالطف جسوم الغياره دمها فوگ الرمال ايتجاره وگوم اميه خذونه يساره والشمر سوطه يخفگ علينه *** چنه عيله ابصيانه خدرنه لن يساره وطلعنه ابيسرنه عگب اهلنه وسف تالي صرنه نگشف اسياط اميه بدينه **** چنه عيله وزلمنه ابخيمنه لاخيمه صفت لا زلمنه جينه للطف واهالينه يمنه من طلعنه الشمر يحدي بينه *** يسرونه وطلعنه ابرواحل بس يتامه وعليل وارامل روس اهلنه اعله روس العواسل واحنه سبي العبيد انسبينه ***** من طلع بينه حادي الرچايب عفنه اهل الشيم بالحرايب وزعتها السمر والقواضب من گبهم غرايب صفينه *** رحنه والحادي يحدي ابرحلنه وتمشي ويه الظعن روس اهلنه ابديرة الكوفه لمن دخلنه بس شماته ونوايب لگينه **** حاوطتنه المحن والنوايب واحنه بالكوفه شفنه العجايب ابمجلس اهل الضلاله النواصب صرنه نتسمه عدهم رهينه **** ولوعة الشام اشد من سبونه وبيزيد اللعين ادخلونه خله وسط الطشت راس اخونه لثغره ينكث عصاته ابيمينه **** ومن عگب هالغصص والفواجع جينه وانعادت النه المواجع تجري لگبور اهلنه المدامع بالدمع للطفوف اعتنينه ****
" طهران – 1984"
|
