|
القصيدة عن لسان بنات الرسول صلى الله عليه وآله وهن يصفن المصائب التي حلت بهن بعد مقتل حماتهن ، وهي من وزن – البحراني – المتكون من ثلاث تفعيلات " فعلن فاعلن مفعولن " ويعد من الاوزان المستقله والمنبرية الابتكار ، تم انتشاره في اوائل القرن العشرين للميلاد .
" 25- البحراني "
لوما ينذبح والينه ما حرگوا خيمنه اعلينه **** ما بين الحزن والرهبه شاهدنه الخيم ملتهبه من بعد الاهل بالغربه ايتام وحرم ظلينه **** ظلينه اعله هاي الحاله ونشوف اللهب يتعاله بين امراكض الخياله حاطت هالعساكر بينه **** بينه حاطت وسلبتنه من كل جانب اتولتنه نعثر بالغصص خلتنه ونصيح الكفلنه وينه *** لوما چثته ايوذروها وچفوفه العده ايگطعوها ما چان الخيم حرگوها لوما تنگطع چفينه *** بغيابه الگمر عذبنه وابموج المهالك ذبنه واصواب السهم صوبنه من صاب الكفيل ابعينه *** وعامود اللي صوب هامه صوب بالأثر ايتامه اكثر من لهيب اخيامه جمرات العطش تاذينه **** هم نار العطش مستعره هم نار الخيم متوجره نحمل بالگلب چم جمره يا ريت الاجل يلفينه **** دنيه ابلا اهل ما تسوه من عدها جرعنه القسوه ايتام وعليل ونسوه بديار الغربه تمينه *** ليلتنه انگضت بالمحنه عالهم والهضم صبحنه للكوفه ابيسر من رحنه چتال الاهل حادينه ***
" طهران – 1987"
|
