|
تحتوي هذه القصيده على مجموعة من موارد الاشجان عن لسان الامام الحسين عليه السلام مخاطبا ابنه علي الاكبر عليه السلام عند مصرعه ، ويسمى وزنها " الاهجيني " ويتكون من ثلاث تفعيلات " مستفعلن فاعلن فعلن " واحيانا يعرض التسبيغ – وهو زيادة حرف ساكن على السبب الخفيف آخر الجزء – على التفعيلة الثالثة منه " فعلن " فتصير " فعلان " وكلاهما يصح النظم عليه ، وهو من الاوزان البدوية الابتكار والمدنيه الانتشار ، انتشر في العقد الثامن من القرن التاسع عشر للميلاد ، وفيه شبه بوزن " المهداد " الذي سياتي شرحه .
"23- الاهجيني "
يا اشبه الوادم ابجدك ما يسوه هذا العمر بعدك **** يوليدي آنه ابوك حسين اصرخ يالاكبر يضي العين هاي المصيبه لفتنه امنين يالمنفطر بالعطش چبدك *** چبدي مثل چبدك اتفطر لمن شفت خدك امعفر جيت وردت يبني يالاكبر بدموعي اغسل ترب خدك **** فگدك فگد للصبر ضيه وابمصرعك طايح اصبيه يا من چنت للگلب فيه يتنومس ويمرح ابسدك ***** لمن شفت دمك المسفوح هاجن عليك الگلب والروح عگبك لجيم الحزن والنوح واهمل مصب الدمع بعدك **** ما مش دوه ايلام الطبره وناديتك ابجمرة الحسره عگبك دليلي انفگد صبره يا من يهز الجبل فگدك **** يبني علي ويا امل دنياي يبني علي ويا ضوه عيناي باصرني شنهو البصر والراي يامن ذوه ابمصرعك وردك **** يازهرة البالأمل تنفح هالزهره بالدم غدت تنضح متنثره ابخطة المذبح يومك فجع كل اهل ودك **** لمن طحت والأجل وافاك اهجس دليلي انصرع وياك يالعاهدتني تضحي ادماك وفيت يالاكبر ابعهدك *****
" دمشق 1981"
|
