القصيدة عن لسان الامام الحسين عليه السلام مخاطبا جده الرسول صلى الله عليه وآله في الرمق الاخير ، وهي من الرجز التام " مستفعلن مستفعلن مستفعلن " وينظم على نوعين :

1-     " مستفعلن مستفعلن مفعولن " دخل القطع – وهو اسقاط ساكن الوتد المجموع وتسكين ما قبله – على التفعيله الثالثة منه " مستفعلن " فاصبحت " مستفعل " ونقلت الى " مفعولن "

2-     " مستفعلن مستفعلن مفعولان " دخل ما يشبه العصب – وهو تسكين الحرف السادس المتحرك – على التفعيلة الثالثة " مستفعلن " فأصبحت " مستفعلن " بسكون اللام ، وهي تعادل " مفعولان "

"22- الميمر "

آنه الذبيح اعله الارض عافوني    اتمنه جدي ووالدي ايشوفوني

***

هالليلة راح اگصد لجدي المختار     بالدم خضيب ويمه أروي الاخبار

يا جدي اصرخ ريتك اتشوف اشصار    آنه الوحيد ابكربله خلوني

***

ذبحوا اخوتي وصحبتي والفتيان     منهم ردت ماي اسگي گلب الرضعان

بيدي شلت عبدالله طفلي العطشان     هالنوب گطعوا منحره وفجعوني

****

هذا الجرالي ابكربله يا جدي    حاير صرت بين العساكر وحدي

بس عايله واطفال ظلت عندي     وبالمعركه جيوش العده ايتانوني

****

چن ابطلب يا جدي الهم مطلوب    خيل وزلم داروا علي من كل صوب

لن بالحجر فضخوا جبيني المصيوب     هذا اول اصواب ابحجر صوبوني

****

شيبي ابدمه اصواب الجبين اتخضب    وبسهم المثلث دليلي اتصوب

اصواب السهم يا جدي افجع واصعب    وبالنبل من كل جانب اتولوني

****

للمصرع امن المهر طايح جسمي     ومن كل جرح للگاع ينزف دمي

ما شوف لن الشمر واگف يمي      أتمنه لا شافت الحال اعيوني

***

ثنه وگعد لاچن يدوس ابصدري     ابچفه لزم شيبي ويحز ابنحري

عالغبره دمي امن النحر ظل يجري     يا جدي من دم رگبتي غسلوني

****

آنه الذبيح آنه الغريب المظلوم    آنه الذي بالخيل صدري مهشوم

آنه الذي متغسل ابفيض ادموم    آنه الذي عگب الذبح سلبوني

****

آنه الذي فوگ الارض دمي سال      آنه الذي فوگ الرمح راسي انشال

ريتك يجدي اتشوفني ابذاك الحال    بالطف ثلث تيام ما دفنوني

***

يا جدي والزيد هضم آلامي    بالمصرع واسمع صريخ ايتامي

آنه السليب آنه الچتيل الضامي    وآنه الصحت يا شيعه لا تنسوني

***

" لندن – 1995"