|
القصيدة عن لسان الامام الحسين عليه السلام مخاطبا شيعته ومحبيه وواصفا لهم ما جرى عليه من المصائب في واقعة كربلاء الحزينه وهي من – الهزج المربوع – المتكون من اربعة اجزاء " مفاعيلن مفاعيلن مفاعيلن مفاعيلن " وقد يعرض على كل تفعيله منه نفس العلل والزحاف التي عرضت على الوزنين الذين سبقا وهما " التجليبه والقصير " ومن الخليق ذكره ان هذا الوزن ينظم على اكثر من اربعة وثلاثين نموذجا لاضافة التفعيلة الرابعه ، يسمى لدى جمهرة من شعراء الدارج – البحر الطويل – بالرغم من اختلافه الكلي عن – البحر الطويل – في الفصحى والذي يتكون من التفعيلات التاليه " فعولن مفاعيلن فعولن مفاعلن " الا انه استقر على هذه التسميه التي شاع خطأها ، ولا يخفى انه من الاوزان المنبرية الابتكار وقد انتشر في اوائل القرن العشرين للميلاد حتى اصبح من الاوزان الاكثر شيوعا عن سواها .
"20- البحر الطويل "
آنه المنذبح عطشان ومن العذب حرموني يشيعه اشما شربتوا الماي وكت الشرب ذكروني **** آنه ابن النبي المختار وآنه فاطمه امي وابوي الفحل داحي الباب وجعفر بالنسب عمي وآنه الحللوا چتلي وسفكوا عالارض دمي ومن دم النحر هاليوم گوم اعداي غسلوني *** يا شيعة واريد اليوم اروي حاله المصرع حالة اتهدم الاطواد وتفت الصخر لو يسمع اريدن منكم اتواسون دم نحري ابجري المدمع بالعبرات بالشهگات بالاهات واسوني *** حاطتني دواهي الموت وحيد ولنها عيني اتشوف اجتني الخيل تتبع خيل وزلم صفت علي صفوف وعيوني تشوف اسهام ورماح ونبل وسيوف وغدت تتكاثر الرميات من كتر يرموني *** هذا اول جرح وصواب جبيني الحجر من صابه عله وجهي نزف دمي وشيبي بالدمه اخضابه الحجر آه الحجر هيهات انسه لوعة اصوابه اورداي الشلته ردت امسح دمي الجره اعله اعيوني **** عگب هذا الحجر لنهم بالمثلث رموا صدري انحنيت اعله الفرس لا چن طلع هالسهم من ظهري يشيعه واترست چفي من دم چبدتي اليجري رميته للسمه وناديت الهي الگوم ظلموني **** طحت من عالفرس للگاع وبعد للنهضه ما اگدر اعالج وانزف وما اشوف لن يمي الشمر يحضر عله صدري گعد لاچن سيفه اتوسط المنحر يشيعه وريتكم چنتوا ابهالحاله وتشوفوني **** يحز ابمنحري سيفه ودمي اعله الارض يسفح شاله الراس بيده وراح وظل الجسم بالمذبح من كل كتر يا شيعه جسمي دامي وامجرح وبالخيل اعتنوا يردون ابحوافرها يسحگوني **** آنه اللي عليه الخيل جالت وانهشم صدره وآنه اللي هوه اعله الگاع مذبوح ويصب نحره وآنه اللي يسموني چتيل الحزن والعبره وآنه الصحت يا شيعه يريت اهنا تحضروني *** " لندن – 1999م "
|
