|
جنه و نار عدهم خسران اليضدهم صدقني حياة الناس ما تسوه بعدهم **** منهو أطهر بهالناس من عطرة نبينه دونك آية التطهير يالتسمع حجينه مفروضه ذوي القربه مودتهم علينه حبهم أفرضه القرآن بالايه المبينه هالآيات تشهد عن عترة محمد لمن تسمع الآيات لا تلوم اليودهم *** هم علت التكوين و أنوار الجلاله بيهم جاعل المعبود ميزان العداله يا بيت أشرف بهالكون من بيت الرساله يا من تهوه أهل البيت عوف أهل الضلاله خسران اليعادي ذرية الهادي و أصحاب الحقد و الجور ما ينفع حقدهم **** ذرية أبو الزهراء ظل ساطع نجمهم و بسابع سمه الأملاك تتبرك بسمهم شرفهم إله الكون من علمه علمهم لو كل البشر عدوان صاروا ما يهمهم نالوا هالمراتب رغماً عالنواصب و أهل المكر و الحساد ما يجدي حسدهم ***** ذرية محمد هاي مرفأ للسلامه كلمن يبغض أهل البيت مختوم بعلامه دنيه و آخره خسران و بيوم القيامه ابحر السلسله ايغلوه و اجهنم مقامه ابشر يالموالي بخصمك لا تبالي يالعاهدة أهل البيت لا تنسه عهدهم ***** درب الناصبي للنار يا شر المسالك و انته يالموالي اهناك بيك الرب يبارك تدخل جنة الفردوس و استد عل الآرائك ابشر يا من بأفراح هالعتره تشارك و اتنول الهديه من سيد البريه و آل المصطفه وياك يوفون بوعدهم **** احنه شيعة أهل البيت بالحب ما نغالي انعادي العادوا الكرار و انوالي اليوالي من بعده اهدعش معصوم سادات المعالي بيهم حققت هاليوم مطلوبي و منالي يالتلهج بسمهم أم الحسن أمهم والدهم علي الكرار و المختار جدهم ******
|
